VERTU ÞÚ SJÁLF/UR

Á meðan við sýnum öðru fólki tillitsemi og virðingu þá er leyfilegt að vera alveg eins og manni langar. Við höfum rétt á því að vera og gera allt sem okkur dettur í hug. Við megum vera alveg eins og við erum, okkur má langa í allt sem okkur langar, og allar tilfinningar eiga rétt á sér.

Frjáls undan skoðunum annarra.

Það er mikilvægt að frelsa sig alfarið undan skoðunum annarra. Allir hafa skoðanir á öllu. Ef að við erum að eltast við að reyna að þóknast öðrum, gleymum við að þóknast okkur sjálfum. En það ætti að vera okkar höfuð markmið. Ef að við erum sjálf ekki hamingjusöm getum við aldrei gert aðra hamingjusama. Ræktum okkar eigin garð fyrst og fremst. Verum og gerum það sem veitir okkur mesta lífsfyllingu.

Losum okkur við alla skömm.

Það er gríðarlega algengt að fólk hefur í sér skömm í einhverju formi þ.e.a.s. það skammast sín fyrir eitthvað í eigin fari. Þessi skömm getur dregið fólk niður og haldið aftur að því að það geti skapað sér það líf sem það vill. Skömmin er orkuþjófur, og í staðinn fyrir að gera það sem þarf að gera til að upplifa vellgegngi og hamingju, fer fólk í flótta og leitar í sjónvarp, tölvur, mat, áfengi o.s.frv. til þess að forðast að horfast í augu við skömmina. Þetta verður að vítahring þar sem að slík niðurrífandi misnotkun veldur því að fólk upplifir enn meiri skömm.

Elskum okkur sjálf skilyrðislaust.

Sannleikurinn er sá að við höfum í raun ekkert að skammast okkur fyrir. Við erum öll yndilega mannleg og ófullkomin. Allar tilfinningar og langanir eiga rétt á sér. Við þurfum að fyrirgefa okkur sjálfum allan ófullkomleikan og elska okkur sjálf alveg eins og við erum. Við þurfum að gera þetta áður en við getum breytt okkur á einhvern hátt. Grundvöllur allra breytinga á lífsstíl og sjálfsmynd er að fyrirgefa sjálfum sér allt, og elska sjálfan sig skilyrðislaust alveg eins og maður er.

Þegar við höfum gert þetta getum við svo mótað sjálfsímynd okkar eins og okkur hentar. Hvernig viltu vera? Hvernig lífi viltu lifa?

Stöndum grjóthörð með okkur sjálfum.

Þegar við höfum svo ákveðið hvert við stefnum og hvernig manneskja við viljum vera, er mikilvægt að standa grjóthörð með okkur sjálfum. Enginn annar ákveður hver okkar sjálfsmynd á að vera. Við þurfum alltaf að bakka okkur sjálf upp. Allt í góðu að hlusta á skoðanir annarra og meta svo hvort við getum nýtt þær til að mynda okkar eigin skoðanir. En aldrei taka neitt sem bókstaflegum sannleika án þess að hlusta á hvað okkar innsæi segir. Við vitum best fyrir okkur sjálf.

Njótum þess að vera nákvæmlega eins og okkur langar.